🔬✨ राष्ट्रीय विज्ञान दिनानिमित्त भव्य विज्ञान प्रदर्शन उत्साहात संपन्न! ✨🔬

राष्ट्रीय विज्ञान दिनाच्या औचित्याने विद्यामंदिर उपवडे, ता. करवीर जि. कोल्हापूर येथे भव्य विज्ञान प्रदर्शन 2025-26 अत्यंत उत्साहात आणि दिमाखात पार पडले. या प्रेरणादायी उपक्रमाचे आयोजन रीट, पुणे व उमेद फाउंडेशन, सांगरूळ यांच्या संयुक्त विद्यमाने करण्यात आले होते.
या प्रदर्शनामध्ये कोल्हापूर क्लस्टरमधील सर्व शाळांमधील विज्ञान शिक्षक, मुख्याध्यापक व प्रयोग सादर करणारे विद्यार्थी मोठ्या संख्येने सहभागी झाले होते. विद्यार्थ्यांनी सादर केलेले विविध वैज्ञानिक मॉडेल्स, प्रयोग आणि संशोधनाधारित प्रकल्प यामुळे संपूर्ण परिसरात वैज्ञानिक उत्साहाचे वातावरण निर्माण झाले.
कार्यक्रमासाठी प्रमुख पाहुणे म्हणून मा. श्री. प्रकाश आंग्रे (शिक्षण विस्तार अधिकारी, पंचायत समिती करवीर) उपस्थित होते. तसेच मा. श्री. श्रीधर नाळे (विश्वस्त, रीट फाउंडेशन पुणे), मा. श्री. डी. डी. पाटील (केंद्र समन्वयक, केंद्र बोलोली), मा. श्री. प्रकाश गाताडे (अध्यक्ष, उमेद फाउंडेशन, सांगरूळ), मा. श्री. सर्जेराव खाडे (मुख्याध्यापक, विद्यामंदिर उपवडे), फ्लाईट लेफ्टनंट मनोज जामसंडेकर (निवृत्त, विश्वस्त, रीट फाउंडेशन पुणे) आदी मान्यवरांनी कार्यक्रमास उपस्थित राहून विद्यार्थ्यांचे मनोबल वाढवले.
याचबरोबर ग्रामपंचायत सरपंच पवार साहेब तसेच गावातील प्रतिष्ठित नागरिकांनीही उपस्थित राहून कार्यक्रमास उत्स्फूर्त प्रतिसाद दिला.
प्रदर्शन पाहण्यासाठी विद्यामंदिर उपवडे, विद्यामंदिर बोलोली आणि स्वयंभू हायस्कूल बोलोली या शाळांतील विद्यार्थ्यांना विशेष संधी देण्यात आली होती. विद्यार्थ्यांनी विविध प्रयोग प्रत्यक्ष पाहून विज्ञानातील संकल्पना समजून घेतल्या व वैज्ञानिक दृष्टिकोन अधिक बळकट केला.
मान्यवरांनी विद्यार्थ्यांच्या कल्पकतेचे आणि मेहनतीचे मनापासून कौतुक करत विज्ञान-तंत्रज्ञान क्षेत्रात पुढे जाण्यासाठी प्रेरणादायी मार्गदर्शन केले. हा उपक्रम केवळ प्रदर्शनापुरता मर्यादित न राहता विद्यार्थ्यांच्या ज्ञानवृद्धी, आत्मविश्वास आणि संशोधनवृत्तीला चालना देणारा ठरला.
💐 या यशस्वी आयोजनासाठी रीट फाउंडेशन, पुणे व उमेद फाउंडेशन, सांगरूळ तसेच सर्व सहभागी शाळा, शिक्षकवृंद, विद्यार्थी आणि ग्रामस्थांचे मनःपूर्वक अभिनंदन!✨️